أشرب قهوة و شاي و أنا حامل ولا ده فيه خطورة على البيبي؟ 

 هو ما فيش أبحاث اتعملت على تأثير الكافيين على الحمل على الانسان

لكن الأبحاث اللي اتعملت على الحيوانات أثبتت ان الكافيين بيقلل الخصوبة و  ممكن يسبب عيوب عند الولادة أو ولادة مبكرة .

وفي أبحاث حديثة وجدت علاقة بين الاجهاض ووزن البيبي القليل عند الولادة وبين استهلاك الكافيين بمعدل 6-10 كبايات في اليوم

ولغاية الأبحاث دي ما تكون مؤكدة بينصح ان الاستهلاك اليومي من الكافيين يكون أقل من 200 مجم .

بس خلي بالك ان الكافيين مش بس موجود في القهوة لكن كمان في الشاي والمشروبات الغازية والشوكولاته وبعض الأدوية.

يعني كل لما تقدري تتجنبيه يكون أحسن لأن الكافيين كمان مُنبِه ممكن يأثر على النوم ويزود ضربات القلب وكمان ممكن يسبب حموضة.

طيب ولو مش عارفه أتجنبه وأبطل قهوة وشاي خالص؟

يبقى تحاولي بالتدريج تقللي الكمية و عدد المرات

لما تحطي باكيت الشاي تشيليه على طول ما تفضليش سايباه في الكباية

جربي تستبدليه بمشروبات عشبية آمنة زي النعناع والكاموميل