Morning sickness / غثيان الصباح و القيء

حاسه ان نفسك غامه عليكي وكل شويه رايحه وجايه على الحمام عشان الترجيع

ما لكيش نفس تاكلي حاجه وفي أكل و روايح مش طايقاها

Morning sicknessالحاله دي عاديه وبتحصل ل 9 حوامل من كل 10 واسمها غثيان الصباح

وعلى عكس اسمها هي ممكن تستمر طول اليوم مش بس الصبح وعادة بتنتهي مع بداية الثلث التاني من الحمل لكن عند بعض الحوامل يتستمر لفتره أطول.

هي أسبابها الرئيسيه مش معروفه لكن المرجح انها بسبب تغيرات في الهرمونات

hCG هرمون الحمل

هرمون الاستروجين

Cortisolهرمون التوتر

على الرغم من الازعاج و الاحباط اللي بيسببه موضوع الغثيان والقىء الا ان الخبر الكويس ان في أبحاث اتعملت في جامعة أكسفورد ولقوا ان الحاله دي بتكون دلاله على حمل صحي وولاده في ميعادها ووزن صحي للمولود.

لكن في بعض الحالات لو الموضوع زاد و القيء كان مستمر بلا توقف أو كان في دم في القيء أو سبب جفاف للام ونقصان في الوزن يبفى محتاجه ترجعي للدكتور.

طيب نعمل ايه عشان نقلل الحاله دي :

–  الراحه والنوم عشان تقللي التوتر

يعني عادي ارتاحي ونامي وخدي أجازه واسمعي مزيكا كمان

– بعد لما تصحي قومي بالراحه من السرير والاحسن تخلي جمبك حاجه تاكليها الأول

– على عكس المعتقد السائد انك لو أكلتي حتزودي الترجيع هو الحقيقه لو فضلت معدتك فاضيه حتقللي مستوى السكر في الدم وده بيزود الحاله مش بيقللها.

 ( شريحه توست \ رز أبيض\ بطاطس\  كراكيرز) White diet   كلي

little and oftenتاكلي وجبات صغيره وعلى فترات

وما تفضليش أكتر من 4 ساعات من غير أكل.

– حاولي تعرفي ايه اللي بيزود الحاله دي عندك , هل هو الأكل الحراق \ المقلي\ الدسم \ الصوص

    ( الأفوكادو\ الموز\الفراخ\ المكسرات) B6 زودي من الأكل الغني بفيت بفيتامين

B6وممكن تسألي الدكتور على مكمل غذائي لفيتامين

– خدي الأدويه والفيتامينات بالليل مش بالنهار.

– محتاجه تشربي مياه كويس ولو بترجعي كمان المياه يبقى اشربيها كمان بكميات صغيره رشفه رشفه.

– الزنجبيل  كمان أثبتوا انه بيقلل من الحاله دي ممكن تشربيه كمشروب دافي أو بارد وكمان ممكن تبشريه على الأكل

  بس ما تزوديش عن 2 معلقه صغيره زنجبيل فريش مبشور في اليوم

ولو بتاخدي أدويه مضاده لتجلط الدم ( زي الأسبرين أو غيرها ) يبقى تجنبي الزنجبيل وممكن تجربي النعناع و الكاموميل.

وان شاء الله فتره وتعدي