“كلي شوكولاته كل يوم , جالاكسي وكادبوري”
“وعلبة الحلاوة جمبك تاخدي منها معلقة كل لما تيجي ترضعي”

دي كانت أول نصيحة صاحبتي سمعتها أول لما ولدت
والحقيقة ان معظمنا سمع الكلام ده 
وكلنا حافظين باقي الليسته: مغات وحلبة

وبعدين نيجي نشتكي من الوزن اللي زاد وقت الرضاعة

===============

فين المشكلة؟؟؟
الشوكولاته والحلاوة فيهم مكونات ممكن تكون مفيدة
بس نسبتها قليلة ده غير السكر والمواد الحافظة والإضافات التانية 
اللي حتسبب زيادة في الوزن ولخبطة في هرمونات الجسم

طيب ما تيجوا نبسطها
ما تيجوا نرجع للأصل

يعني الحلاوة مفروض معمولة من السمسم
اللي مليان كالسيوم وبيساعد على إدرار اللبن 
بدل ما أمشي بالعلبة أو الباكيتات الصغيرة في شنطتي
أستبدلها بالسمسم نفسه أرشه على طبق السلطة
أو أعمله طحينه و أحطه على الأكل.

🍫والشوكولاته مفروض معمولة من الكاكاو الخام
اللي مليان مضادات أكسدة و مغنيسيوم وبيحسن الموود
بدل ما آكل الأنواع العادية اللي متعودين عليها
أستبدلها بالشوكولاتة الغامقة (نسبة الكاكاو فيها 70% أو أكتر)
أو أستخدم الكاكاو الخام نفسه .

‼️بس برضه خلي بالك مش باكو شوكولاته كل يوم 

كده تبقي أخدتي الفايدة وجسمك إستفاد وموودك إتحسن واللبن زاد