ابدأي صح

اليومين اللي فاتوا كانوا أجازات وناس كتير كانت في المصايف
لفت نظري وأنا في السوبر ماركت إن فيه حاجات مشتركة معظم الناس بتشتريها سواء كبار أو صغيرين

أكياس شيبسي
مشروبات غازية
حلويات كتييير

المشكلة إن حصل عندنا ربط بين المصيف ونوعية الأكل ده:

-حاجة تروي عطشك
-حاجة تجمعنا سوا
-شارك عيلتك وأصحابك

والربط ده اتشكل جوانا واحنا مش حاسيين 
شركات دعاية وإعلانات وتسويق شكلت عاداتنا الغذائية 
بغض النظر هي صحية ولا لأ
مفيدة ولا مُضرة لصحتنا لأن باختصار دي أصبحت صناعة
صناعة الغذاء

عشان كده التغيير مش سهل وحياخد وقت لكن أنا مؤمنة إنه حيحصل إن شاء الله.

أكتر حاجة باحلم بيها إن إحنا نبدأ بالأجيال الجديدة
الطفل اللي أول حاجة بياخدها هي لبن الأم
الطفل اللي الأم هي اللي بتشكله عاداته الغذائية وبتعرفه على أنواع الأكل كلها

وعشان البداية تكون صح
حاولي تبدأي من بدري
عارفه بدري ده يعني إمتى؟؟

وهو لسه جنين جواكي
عاداته الغذائية وحاسة التذوق بتتشكل وهو لسه في الرحم