Stress and Pregnancy
القلق والتوتر وقت الحمل.
ستات كتير بتتوتر و تقلق من حاجات كتير وقت الحمل , زياده الوزن و شكل جسمها, قلق من الولاده, خوف على صحه البيبي ونموه, حتعرف ترضع طبيعي ولا مش حتقدر,ولو عندها أولاد تانيين يبفى تقلق ازاي حتقدر تشيل المسؤوليات دي كلها؟
ولو بتشتغل تقلق ازاي حتقدر تشتغل كويس مع تعب الحمل ؟
وحاجات تانيه كتير ممكن تسببلها حاله القلق والتوتر , والحقيقه ان ده شعور طبيعي لأن الانسان دايما بيخاف من المجهول لكن لو زاد هنا تبقى المشكله
لأن الدراسات اثبتت ان حاله القلق المستمره و افراز هرمونات التوتر وقت الحمل ممكن يكون سبب في الولاده المبكره, وزن الطفل يكون قليل وقت الولاده وكمان ممكن يؤثر على تطور مخ البيبي وده ممكن يسببله مشاكل سلوكيه وقت الطفوله.
طيب نخفف من القلق والتوتر ازاي؟
-اتكلمي مع جوزك, عيلتك , صاحبتك عن اللي قلقك وشاغل تفكيرك.
-اطلبي مساعده لما تحتاجيها, ومش ضروري تعملي كل حاجه بنفسك.
-حافظي على الأكل الصحي وشرب المياه.
في مكان فيه حد متخصص للحوامل بس بعد استشاره الدكتور .Yoga جربي تلعبي
-اخرجي وقضي وقت في الطبيعه.
– اقرأي وخدي كورسات تفيدك وقت الحمل والولاده وفي التربيه كمان.
لو بتشتغلي يبقى اعملي خطه للوقت اللي حتاخدي فيه اجازه من الشغل.
وقبل كل ده استعيني بالله واطمني ان رب الخير لا يأتي الا بالخير.
أنا_حِلْم_مِش_حِمْل