Shortness of breath
حاسه ان نفسك قصير
بتنهجي من أقل مجهود
بتتعبي بسرعة و كأنك بتطلعي جبل
ده عرض طبيعي من أعراض الحمل
اسمه ضيق التنفس /shortness of breath
طيب أسبابه ايه؟؟
⬅️في أول الحمل بيكون السبب الهرمونات اللي بتحفز مركز التنفس في المخ.
⬅️وفي آخر الحمل بيكون السبب ضغط الرحم على الحجاب الحاجز.
أولا محتاجه تعرفي انها حاجه عارضه وقت الحمل وبعد الولادة بتروح ان شاء الله
طيب نعمل ايه عشان نقلل الحاله دي
بالراحة على نفسك ولما تحسي انك تعبانة ارتاحي ما تعافريش
وانتي قاعده خلي ظهرك مفرود عشان تدي مساحة للرئتين
لما تكلي كلي وجبات صغيرة متقطعة بدل وجبة واحدة كبيرة
وما تناميش بعد الأكل على طول استني ساعة أحسن
طيبب امتى محتاجة ترجعي الدكتور؟
⚠️لو الموضوع زاد أوي أو حصل زرقان في الشفايف و الأطراف
⚠️لو ابتدى يعمل ألم في الصدر
⚠️لو سبب كحة مستمرة
⚠️لو ابتدى يسبب احساس بالاغماء
وان شاء الله فتره وتعدي وخليكي فاكره
#أنا_حِلْم_مِش_حِمْل