رايحة جاية على برطمان المخلل

عمالة تشتري في أكياس شيبسي الحجم العائلي

ما بقيتيش تستغني عن البطاطس المحمرة

مع انك ما كنتيش كده قبل الحمل

طيب ده نوع من أنواع النهم cravings الدارجة وقت الحمل

وده بسبب تغيير في الهرمونات وقت الحمل

بس الملح مُضر والمفروض أبطله خالص وأنا حامل صح؟

طيب هو الملح ليه دور مهم في احتفاظ جسمك و جسم البيبي بالسوائل

وبما ان جسمنا تقريبا 75% مياه يبقى احنا محتاجين نحتفظ بالسوائل في جسمنا لأن ده له دور مهم في توصيل الغذاء لخلايا الجسم وتخليص الجسم من السموم.

يبقى الملح مش مُضر الا اذا زاد استهلاكنا منه لانه وقتها حيسبب تورم في الجسم وكمان ممكن يسبب ارتفاع في ضغط الدم.

يبقى الحل ايه؟

أحاول أبعد عن المصادر اللي فيها نسبة الملح عالية

زي الوجبات الجاهزة fast food و كمان الأكل المعلب

أدور على بدايل صحية

زي المكسرات

البطاطا أرش عليها ملح في الفرن أحسن من البطاطس المحمرة

أشتري مقرمشات crackers وأكلها مع حمص/ سبريد زيتون/ جواكامولي

ولو خلاص مش قادرة وعايزه تشتري كيس الشيبسي يبقى مش الحجم العائلي

أو اشتريه واعزمي بيه عل حد معاكي ما تاكلهوش لوحدك