هو أنا ينفع لما وزني يزيد في الحمل

يبقى الزيادة دي بتروح للبيبي

مش بتتخزن دهون في جسمي؟

سؤال إتسألته  كذا مره في

Coaching sessions

حقيقي موضوع الزيادة في الوزن وقت الحمل

من المواضيع المُقلقه للحامل

خصوصا لو كانت يدوبك ضبطت جسمها

وبعدين إكتشفت إنها حامل

أو كان عندها تجربة حمل قبل كده

وزادت فيها زيادة كبيرة

فبتكون قلقانة ده يتكرر تاني

طيب خلينا نعرف كام حاجة:

* زيادة الوزن لازم تحصل عشان فيه

بني آدم كامل بينمو جواكي

مش عشان إنتي بتاكلي كتيير

*الوزن الزيادة وقت الحمل

مش بس دهون في جسمك ووزن البيبي

لأ ده كمان

وزن المشيمه والسائل اللي حوالين البيبي

ووزن الرحم والدم اللي بيتضاعف كميته

* الدهون اللي بتتخزن في جسمك وقت الحمل

هي دهون الجسم حيحتاجها وقت الرضاعة

طيب السؤال الزيادة في الوزن المفروض تكوم كام؟

ده بيعتمد على وزنك قبل الحمل

يعني مش كل الحوامل ممكن يزيدوا من 10-12 كيلو

ممكن أقل وممكن أكتر

————————————————————————-

بس عشان الزيادة دي تكون في الحدود المسموحة

حاعمل بوست تاني فيه شوية نصايح ممكن يفيدوكي