” شكلك بقى صعب أوي”
” بتمشي زي البطريق”
” عمرك ما حتعرفي ترجعي لشكلك زمان”

من فضلك بطلي تضايقيني….
لو سمحتي بطلي كلام سلبي….

بس الكلام السلبي المره دي مش اللي بنسمعوا من الناس حوالينا
ده الكلام السلبي اللي بنسمعه من جوانا

وانتي حامل:
كام مره وقفتي قدام المراية وقولتي لنفسك كلام صعب؟
كام مرة أحبطتيها؟
كام مرة إنتقدتيها؟
كام مرة حسيستيها إنك مش قابلاها بشكلها الجديد؟

ياريت توقفي لوم وإحباط وزعل منها
وتحسي بالمعجزة اللي بتحصل جواكي

ياريت تبدلي الكلام ده بكلام إيجابي
“أنا الحمد لله صحتي كويسة وشكلي حلو”
“أنا الحمد لله حملي صحي وعندي بيبي جميل”
“أنا إن شاء الله حاقدر أرجع لشكلي زمان”

كرري الكلام الإيجابي لنفسك حتى لو مش حساه
وصدقيني بتفرق كتير

(الكلمة الطيبة صدقة)
قولي لنفسك كلمة طيبة