الولادة مش سهلة

أيوه مجهود بدني كبيييير

مهما كانت الطريقة

ولادة طبيعية أو سيزيرين

بحقنة ابيديورل أو من غيرها

روح بتطلع من روح

عشان كده طبيعي بعدها

تكوني تعبانة ومرهقة

وجسمك  بيوجعك

ده انتي لو روحتي الجيم ولعبتي زيادة شوية

ممكن تفضلي كام يوم بعدها مجهدة وجسمك مكسر

مابالك بمجهود الولادة

طيب ممكن تعملي إيه عشان تقوي نفسك

الراحة

إرتااااااحي , إسمعي لجسمك

الحمام بمياه دافية

إتغذي كويس

إشربي مياه و كلي حاجات صحية

خضار وفاكهة ومكسرات

وإبعدي عن الحلويات والنشويات عشان دي حتكون عبء على جسمك

وأهم حاجة

إحضني البيبي كتير

عشان تشغلي مخك عن التفكير في التعب

إحضنيه عشان إنتي اللي محتاجه حُضنه